ᑐᑦᑕᕐᕕᖓ > ᐊᓯᔾᔨᐸᓪᓕᐊᓂᖏᑦ > ᐃᓄᐃᑦ ᖃᐅᔨᒪᔭᑐᖃᖏᑦ: ᐊᖓᒃᑰᓂᕐᓗ ᐅᓪᓗᒥᓕᓴᐅᓕᖅᑐᓄᑦ ᓇᒻᒪᙱᓐᓂᓪᓕᐅᖅᐸᒃᑐᓂᒃ ᐋᖅᑭᒃᓱᐃᓂᖅ >

The melting of the sea ice near Broughton Island.

Caribou in the Koroc River Valley, Torngat Mountains.

ᐅᖃᖅᑕᐅᓯᒪᔪᑦ:
ᒥᐊᓕᐋᓄ ᐊᐅᐱᓛᕐᔪᒃ

« ᓇᓕᖅᐳᑦ ᑕᓴᔅᓱᒥᖓ ᐃᓱᒪᓚᐅᖅᓯᒪᕙᓪᓚᐃᒍᓐᓃᖅᑐᑦ ᐊᑯᓂᐊᓗᒃ. ᕿᓚᓂᕐᒥᑦ ᐃᓱᒪᓚᐅᖃᑦᑕᖅᐸᔪᒐᓗᐊᖅᑐᖓ. ᖃᐅᔨᒪᔪᖓ ᐊᔾᔨᒌᓐᖏᑦᑐᓂᒃ ᕿᓚᖃᑦᑕᓚᐅᖅᓯᒪᒻᒪᑕ. ᐃᓚᖏᑦ ᕿᓚᑦᑎᐊᖃᑦᑕᖅᐸᓚᐅᖅᓯᒪᔪᑦ. ᑕᐃᒪᐃᑦᑐᖏᓐᓇᖃᑦᑕᖅᓯᒪᔪᖅ. ᖃᐅᔨᒐᐃᒻᒪᑕ ᕿᓚᒍᓐᓇᖅᑎᐊᖅᑐᓂᒃ, ᐃᓄᐃᑦ ᐅᐸᒍᑎᕙᔪᔪᑦ ᐅᐱᓐᓇᕆᓂᓕ ᓇᒻᒥᓂᖅ ᕿᓚᓇᓱᐊᔾᔮᖏᒻᒪᑦ. ᐱᔪᓐᓇᓂᕐᒥᓂᒃ ᐊᑐᕐᓗᑎᒃ ᐃᑲᔪᖃᕋᓱᐊᖃᑦᑕᕋᔭᖅᑐᖅ ᐃᓄᓐᓂᒃ. ᐃᓕᓐᓂᐊᖅᑎᑦᑎᒐᔪᓚᐅᕋᑦᑕ. ᐃᓅᓱᑦᑐᓂᒃ ᐃᓕᓐᓂᐊᑎᑦᑎᕙᔪᔪᒍᑦ ᖃᓄᖅ ᐱᔭᕆᐊᖃᕐᒪᖔᑕ ᐅᐊᑦᑎᐊᕈ. ᐅᖃᐅᓯᕗᑦ ᑐᓵᓪᓗᓂᒋᑦ ᐅᑉᐱᕈᓱᑦᑐᔅᓴᐅᓐᓂᕐᒥᔪᑦ ᐅᖃᐅᓯᑦᑎᓐᓂ, ᑭᓯᐊᓂᓕ ᐊᑐᓚᐅᖅᓯᒪᓐᖏᑦᑐᑦ ᐅᓂᒃᑳᕆᔭᕋᓗᐊᑦᑎᓐᓂ. ᓇᓗᓐᖏᑦᑎᐊᖅᑐᖓ ᐱᔪᓐᓇᖅᑐᑕᖃᕐᒥᔪᖅ. ᑕᐃᒃᑯᐊ ᐃᖅᑲᖅᑐᐃᕕᓕᐊᖅᐸᑦᑐᑦ ᐅᑉᐱᕈᓱᓐᓂᖅᐹᖑᒐᔭᖅᑐᖅ ᐃᓄᓐᓄᑦ ᐃᑲᔪᖅᑕᐅᓐᓂᕈᑎᒃ. ᐊᑲᐅᓐᖏᓕᐅᕈᑎᖏᖅᑲᐃ ᓴᖅᑭᔮᕐᓂᖅᓴᐅᒐᔭᖅᑐᖅ ᒪᑐᐃᓐᓇᓂᖅᓴᐅᓕᕐᓗᑎᒃ. » (ᒪᑉᐱᒐᖅ 127) 

ᐅᓂᒃᑳᖅᑐᖅ:

ᐅᐊᑦᑎᐊᕈᓕ, ᐊᖓᒃᑰᓂᖅ ᐃᑲᔪᖃᑦᑕᖅᑐᒥᓃᑦ ᐃᓄᓐᓂᒃ ᐊᓐᓇᐅᒪᑎᑦᑎᓪᓗᑎᒃ ᒐᕙᒪᑦᑕᖃᓚᐅᖅᑎᓐᓇᒍ ᓱᓕ, ᑭᓯᐊᓂᓕ ᐱᐅᓐᖏᑦᑐᓚᐅᖅᓯᒪᒻᒥᔪᑦ ᐅᓗᕆᐊᓇᖅᑐᒦᖃᑦᑕᖅᑐᑎᓪᓗ ᐊᓯᖏᑦ - ᐃᓚᖓᑎᒍᑦ ᑲᑉᐱᐊᓇᖃᑦᑕᐃᓐᓇᖅᐸᓚᐅᖅᑐᑦ. ᐃᓐᓇᐃᑦ ᐃᓱᒪᔪᓪᓕ ᐃᓅᓱᑦᑐᐃᑦ ᖃᐅᔨᒪᑎᑕᐅᑦᑎᐊᕆᐊᖃᕋᓗᐊᕐᖓᑕᒎᖅ ᐅᓗᕆᐊᓇᕈᓐᓇᕐᓂᖓᓐᓂ ᐊᖓᒃᑯᕆᓂᖅ. ᑕᕝᕙᓂ ᓈᓴᐅᑎᒻᒪᕆᒻᒥ, ᐅᖃᐅᓯᖃᖅᑐᑦ ᐃᓕᓰᖅᓯᓂᕐᒥᑦ, ᐱᐅᒋᓐᖏᑕᒥᓂᒃ ᐃᓄᒻᒥᑦ. ᐅᖃᐅᓯᖃᖅᑐᑎᓪᓗ ᑐᐱᓚᓂᒃ ᐊᒻᒪᓗ ᐃᔨᐸᐃᑦ, ᐃᓅᔮᖅᑐᑦ ᑭᓯᐊᓂᓕ ᑕᑯᔅᓴᐅᓲᑦ ᓂᕐᔪᑎᐅᓪᓗᑎᒃ ᑐᑦᑐᓪᓗᑎᒃ.

ᑕᕝᕙᓂ ᓈᓴᐅᑎᒻᒪᕆᒻᒥ, ᐃᓐᓇᐃᑦ ᖃᐅᔨᒪᔭᖏᓐᓂ ᐅᓂᒃᑳᖃᒃᑲᓂᕐᒥᔪᑦ ᐊᖓᒃᑯᕆᓂᕐᒥᑦ. ᓯᕗᓪᓕᖅᐹᒥ, ᐊᖏᖃᑎᒌᓚᐅᖅᓯᒪᔪᑦ ᕿᓚᓂᐅᑉ ᒥᔅᓵᓄᑦ, ᐃᓗᐃᑦᑐᕐᒧᑦ ᐃᑲᔫᑎᐅᓂᐊᖅᑐᒥᒃ. ᐅᓂᒃᑳᖃᕐᒥᔪᑦ ᕿᓚᓂᐅᕐ ᒥᔅᓵᓄᑦ, ᑭᓯᐊᓂᓕ ᐅᖃᐅᓯᕆᔭᖏᑦ ᑐᓴᕈᒥᓇᒻᒪᕆᑦᑐᑦ. ᐃᓐᓇᐃᓪᓕ ᐅᖃᐅᓯᖃᓕᕆᓪᓗᑎᒃ ᐃᕆᓇᓕᐅᑎᓂᕐᒥᑦ, ᐃᓚᖏᑦ ᐃᓐᖏᑲᐃᓐᓇᖃᑦᑕᖅᑐᑎᒃ, ᓈᕆᓚᐅᖅᓯᒪᓐᖏᑦᑐᑦ ᑲᑉᐱᐊᓱᒃᑲᒥ ᐊᑐᑎᖃᕐᓂᐊᖅᑐᒋᑦᑎᓪᓗᑎᒃ. ᐅᐊᑦᑎᐊᕉᓕᖅᑎᓪᓗᒍ, ᐅᖃᐅᓯᖃᓕᓚᐅᕐᒥᔪᑦ ᐊᖓᒃᑯᐃᑦ ᐅᖃᐅᓯᖏᓐᓂ, ᐃᓐᓇᐃᑦ ᐃᖅᑲᐅᒪᓇᓱᐊᓚᐅᖅᑐᖅ ᐊᒥᓱᓂᒃ ᐅᖃᐅᓯᕆᕙᓚᐅᖅᑕᖏᓐᓂ ᓇᒻᒥᓂᖅ ᐅᖃᐅᓯᖃᕐᖓᑕ (ᐅᖃᐅᓯᐅᓯᒪᒻᒥᔪᑦ ᑐᕐᖓᐃᑦ ᓇᒻᒥᓂ ᐅᖃᐅᓯᖃᕆᐊᒥᒃ) ᑕᐃᒪᐃᒍᓐᓇᕐᖓᑕ. ᑭᖑᓪᓕᖅᐹᒥᓪᓕ, ᐱᓯᕐᓂᑦ ᐃᓐᖏᐅᓯᑐᖃᕐᓂᓪᓗ ᐃᓐᖏᑲᐃᓐᓇᖃᑦᑕᖅᑐᑎᒃ.

ᑖᓐᓇ ᓈᓴᐅᑎᒻᒪᕆᒃ ᐃᓱᓕᑦᑐᖅ ᐅᖃᐅᓯᖃᖅᑐᑎᒃ ᐊᖓᒃᑯᐃᑦ ᐱᔪᓐᓇᕐᓂᖏᓐᓂ; ᑕᑯᔪᓐᓇᕐᓂᖏᓐᓂ, ᐃᑉᐱᒍᓱᒍᓐᓇᕐᓂᖏᓐᓂ ᒪᒥᑎᑦᑎᔪᓐᓇᕐᓂᖏᓐᓂᓪᓗ, ᐃᓕᒻᒪᑐᕐᓂᖅ, ᐊᐅᓪᓚᔾᔭᐃᔪᓐᓇᕐᓂᖏᑦ ᓯᑯᓂᒃ, ᑕᖅᑭᓕᐊᕈᔾᔨᒍᓐᓇᕐᓂᖏᑦ ᐃᓄᓐᓂᒃ ᐃᓚᒥᓂᕐᒥᓂᒃ ᑕᑯᔭᖅᑐᑎᑦᑐᓂᒋᑦ.