ᑐᑦᑕᕐᕕᖓ > ᐊᓯᔾᔨᐸᓪᓕᐊᓂᖏᑦ > ᓯᓐᓇᒃᑐᕐᓂᖅ ᓯᓐᓇᒃᑑᒪᓂᒡᓗ ᑐᑭᓕᐅᕆᓂᖅ > ᓯᓐᓇᑦᑐᒪᓂᒃ ᑲᒪᓂᖅ: ᓄᖅᑲᑎᑦᑎᒍᓐᓇᕐᓂᖅ ᐸᐸᑦᑎᓂᕐᓗ; ᐃᓕᓰᖅ5

Caribou in the Koroc River Valley, Torngat Mountains.

On the shore of Ungava Bay south of Killiniq.

ᓯᓐᓇᑦᑐᒪᓂᒃ ᑲᒪᓂᖅ: ᓄᖅᑲᑎᑦᑎᒍᓐᓇᕐᓂᖅ ᐸᐸᑦᑎᓂᕐᓗ; ᐃᓕᓰᖅ5

ᐅᓂᒃᑳᖅᑐᖅ:
ᑖᓐᓇ ᐅᓂᒃᑳᖃᖅᑐᖅ ᒪᕐᕉᓕᖅᑲᖓᔫᓐᓂᒃ. ᓯᕗᓪᓕᖅᐸᖅ, ᐊᐱᖅᑯᓯᐅᕙᓚᐅᖅᑐᖅ ᐱᒋᐊᕈᑎᔅᓴᐅᒐᔭᖅᑐᓂᒃ ᓯᓐᓇᑦᑐᒪᓚᐅᖅᑎᓪᓗᒍ. ᓯᓐᓇᑦᑐᐊᕆᓚᐅᖅᑕᕗᓪᓕ ᖃᓄᖅ ᑲᒪᒋᓂᐊᓕᖅᑲᕗᑦ? ᖃᓄᖅ ᐃᑉᐱᒋᒐᔭᕋᑦᑎᒍ? ᓯᕗᓪᓕᖅᐹᒥ, ᐃᓕᓴᖅᓯᖅᑳᕆᐊᖃᖅᑐᖅ ᓯᓐᓇᑦᑐᒪᑐᐃᓐᓇᐅᖏᒻᒪᑦ. ᓯᓐᓇᑦᑐᒪᐃᑦ ᐱᓪᓚᕆᐅᔮᖅᑐᑦ, ᐃᖅᑯᒪᔫᔮᖅᑐᓂ ᓯᓐᓇᑐᖅᑐ, ᑕᒪᒃᑯᐊ ᐱᒻᒪᕆᐅᓂᖅᐹᖑᕗᑦ ᑕᐃᒪᐃᑦᑐᑦ. ᐱᓪᓚᕆᐅᑎᑦᑕᐃᓕᒪᒃᑲᓐᓂᕋᓱᐊᕐᓗᒋᑦ, ᐅᖃᐅᓯᕆᑦᑕᐅᑎᒋᔭᕆᐊᖃᖅᑕᖏᑦ ᓯᓐᓇᑦᑐᒪᒥᓂᖏᑦ. ᐃᓚᖏᓐᓂ ᓯᓐᓇᑐᖅᑐᒥᑦ ᓱᕋᑦᑐᖃᕐᓂᖅᑲᑦ, ᑕᐃᓐᓇ ᑐᓂᖅᑯᑎᒋᑦᑕᐅᑎᒋᔭᕆᐊᖃᖅᑕᖓ. ᖃᓄᑐᐃᓐᓇᖅ ᑲᑉᐱᐊᓵᕆᔪᓐᓇᖅᑐᑦ ᓯᓐᓇᑦᑐᒪᑲᒻᒪᕐᓂᑦ: ᓱᕈᓯᖅ ᐊᑭᓯᕐᒥᐅᑕᖃᕐᓗᓂ ᐅᓗᒥᑦ ᐅᕝᕙᓘᓐᓃᑦ ᐃᓐᓇᖅ ᑮᓇᓕᒻᒥᑦ ᐊᑭᓯᕐᒥᐅᑕᖃᕐᓗᓂ. ᐅᓪᓗᒥᐅᓕᖅᑐᕐᓕ ᐊᓯᖏᓐᓂ ᐊᑦᑕᓇᓐᖏᑦᑐᓂᑦ ᐊᑭᓯᕐᒥᐅᑕᖃᓲᖑᓕᖅᑐᑦ. ᓯᓐᓇᑦᑐᖃᑦᑕᑐᐃᓐᓇᖅᑲᑦ ᑐᖁᖓᔪᒥᑦ ᒪᓕᖁᔨᔪᒥᑦ ᐃᓅᒍᓐᓃᖅᑐᒥᓂᕐᒥᑦ, ᐃᓚᒌᓐᓄᑦ ᐃᑲᔪᖅᑕᐅᓇᓱᐊᕋᔭᖅᑐᖅ ᕿᒫᑎᑕᐅᒐᓱᐊᕐᓗᓂ.
ᐊᐃᑉᐸᖓᓪᓕ ᐅᓂᒃᑳᖅ ᐅᖃᐅᓯᖃᖅᑐᖅ ᐃᓕᓰᖅᓯᓂᕐᒥᑦ, ᐃᓄᒻᒥᑦ ᐊᑦᑐᖅᓯᑲᒻᒪᒐᓱᐊᖅᑐᒥᑦ, ᐃᓐᓇᕐᓄᑦ ᑕᐃᒫᒃ ᐅᖃᐅᓯᐅᓚᐅᖅᑐᖅ. ᐃᓕᓰᖅᓯᓇᓱᐊᕈᓐᓇᖅᑐᑦ ᖃᓄᑐᐃᓐᓇᖅ; ᐱᓱᒃ ᐅᖃᐅᓯᖃᓚᐅᖅᑐᖅ ᐃᓕᓰᖅᓯᓇᓱᐊᕐᓗᑎᒃ ᐃᒡᒍᒻᒥᑦ ᐅᒥᐊᖓᓅᖅᓯᔪᓐᓇᖅᑐᑦ. ᐃᓚᖏᓐᓂ, ᐱᓱᒃ ᐅᖃᓚᐅᕐᒥᔪᖅ, ᒧᒥᒋᐊᓕᖓ ᐃᒋᓚᐅᓐᖏᓐᓂᖓᓐᓂᐅᒃ ᐃᒡᒍᑦ, ᐅᑎᖅᑎᖁᓪᓗᒍ ᑕᐃᔅᓱᒧᖓ ᐃᓕᓰᖅᓯᓇᓱᐊᖅᑐᒥᑦ. ᖃᓄᑐᐃᓐᓇᖅ ᐃᓕᓰᖅᓯᓇᓱᐊᕈᓐᓇᖅᑐᑦ: ᐊᖓᒃᑯᐃᑦ ᓯᓐᓇᑦᑐᒪᓂᒃᑯᑦ ᐱᓇᓱᐊᓲᑦ. ᐃᕆᓇᓕᐅᑎᒃᑯᑦ, ᐊᑐᕈᓐᓇᕐᒥᒧᑦ. ᑭᓯᐊᓕ ᐃᓕᓰᖅᓯᓇᓱᐊᕐᓂᖅ ᑲᑉᐱᐊᒋᔭᐅᒻᒪᑦ ᐊᑐᖅᑕᐅᓗᐊᖅᐸᓚᐅᓐᖏᑦᑐᖅ ᓄᓇᓕᓐᓂᑦ ᐅᓗᕆᐊᓇᖅᑐᓂᓗ ᐊᑐᕋᓱᐊᖅᑐᒍ. ᐃᓄᐃᑦ ᐃᓕᓰᖅᓯᓇᓱᐊᖅᑐᑦ ᐊᓯᖏᓐᓂ ᐅᑎᕆᐊᖅᑐᒥ ᑕᑯᖔᑐᐃᓐᓇᕆᐊᖃᖅᑐᑦ, ᖃᓂᒻᒪᑦᑐᑎᑦ ᕿᑐᕐᖓᕆᔭᒥᓪᓘᓐᓃᑦ ᑐᖁᔪᖃᕐᓗᓂ ᐊᑕᐅᓯᐅᓈᖅᑎᓪᓗᒋᑦ. ᐊᒻᒪᓗ, ᐊᑦᑐᖅᑕᐅᔪᖅ ᐱᑦᑎᕇᔅᓴᐅᑎᖃᑐᐃᓐᓇᕆᐊᖃᕐᒥᔪᖅ, ᐸᐸᑦᑎᔾᔪᑎ ᓲᕐᓗ. ᑕᒪᓐᓇ ᒪᓕᒐᕆᔭᐅᔪᓐᓇᕐᒥᔪᖅ (ᓲᕐᓗ, ᐅᓪᓛᕌᓗᒃᑯᑦ ᐱᓱᖅᑳᕋᓱᐊᖃᑦᑕᕐᓗᑎᒃ ᐊᐱᕋᑖᕐᒥ).