X3Nstos6X9oxo3i6 kNK7j5

ᔮᓐ ᐊᒪᕈᐊᓕᒃ

ᑕᐃᔅᓱᒪᓂᓕ, ᑕᐲᕇᔅᓴᒃᑯᑦ ᐱᓕᕆᖃᑎᖃᑦᑎᐊᕈᓐᓇᓚᐅᖅᓯᒪᓐᖏᒻᒪᑕ ᒐᕙᒪᑐᖃᒃᑯᓐᓂ ᐅᓪᓗᒥᐅᓕᖅᑐᕐᓕ ᐊᔾᔨᒋᒍᓐᓃᕐᒥᔭᖓ. ᐊᑭᑦᑐᕋᖅᑎᑐᐃᓐᓇᐅᓂᖅᓴᐅᓚᐅᖅᓯᒪᒻᒪᑕᓕ. ...ᓴᓇᕕᔅᓴᒥᒃ ᐱᔪᒪᓂᖅᓴᐅᓪᓗᑎᒃ, ᓲᕐᓗ ᐆᒻᒪᖅᑯᑎᓕᕆᔨᒃᑯᑦ ᑯᐸᒻᒥ, ᐊᐃᕙᔾᔪᑎᖃᓚᐅᖅᓯᒪᒻᒪᑕ; ᐆᒻᒪᖅᑯᑎᓕᕆᓂᕐᒥᑦ ᑯᐸᒻᒥ ᐅᖃᐅᓯᐅᓚᐅᖅᓯᒪᔪᑦ ᑕᐃᔅᓱᒪᓂ... ᐃᓄᐃᑦ ᓯᕗᓕᖅᑎᖏᑦ ᐃᓱᒪᓕᐅᕆᐊᖃᓚᐅᖅᓯᒪᔪᑦ. ᑕᒪᒃᑯᐊ ᓈᓯᒻᒪᒋᓂᐊᖅᑲᕗᑦ ᓄᓇᖃᖅᑳᖅᑐᒥᓃᑦ ᐱᔪᓐᓇᐅᑎᖏᑦ ᐊᖏᕈᑎᒧᑦ? ᐅᕝᕙᓘᓐᓃᑦ ᐊᔅᓱᕈᑐᐃᓐᓇᕐᓂᐊᖅᑕ ᑕᒪᒃᑯᐊ ᑲᓇᑕᐅᑉ ᒐᕙᒪᒃᑯᖏᓐᓂ ᒫᓐᓇᐅᓂᖅᓴᐅᔪᖅ ᐅᐊᑦᑎᐊᕈᒃᑲᓂᕐᓘᓐᓃᑦ ᖁᔭᓈᖅᓯᑐᐃᓐᓇᕐᓂᐊᖅᑲᑦ ᑕᒪᑐᒥᖓ ᐱᖁᔭᐅᔪᒥᒃ ᓴᖅᑭᖅᑕᐅᓯᒪᔪᒥᒃ? ᑕᒪᓐᓇ ᐊᑐᓕᖅᑎᑦᑎᓇᓱᐊᕐᓂᖅ ᐊᔅᓱᕉᑕᑐᓚᐅᓐᖏᑦᑐᖅ. ᐊᓯᖏᓐᓂᑦᑕᐅ ᐱᑕᖃᓚᐅᕐᒥᔪᖅ ᑲᒪᒋᔭᕆᐊᓕᑦᑎᓐᓂ. ᑕᒪᒃᑯᐊ ᑕᕝᕙᑦᑕᐅᑎᒋ ᐋᖅᑭᖃᑦᑕᓚᐅᓐᖏᑦᑐᑦ, ᐅᐱᓐᓇᕋᓂ ᑲᓇᑕᐅᑉ ᒐᕙᒪᒃᑯᖏᑦ ᐊᒥᓲᓗᐊᓐᖏᑦᑐᓂᒃ ᐱᖁᔭᖃᓚᐅᕐᖓᑕ ᓄᓇᑖᕈᑎᔅᓴᓂᒃ. ᐊᒥᓲᓗᐊᓐᖏᑦᑐᖅ ᓯᓚᕐᒧᐊᕐᒥ ᐊᐃᕙᔾᔪᑎᖃᓗᐊᖅᓯᒪᓐᖏᒻᒪᑕ ᓄᓇᑖᕈᑎᔅᓴᓂᒃ, ᐊᒻᒪᓗ ᑲᓇᑕ ᓯᕗᒃᑲᖅᑕᐃᓂᖅᓴᐅᓚᐅᖅᑐᖅ ᓯᓚᕐᔪᐊᒥ ᑕᐃᒪᐃᑦᑐᑐᓪᓗᓂ.

1933-ᒥ, ᔮᓐ ᑎᒃᑯᐊᖅᑕᐅᓚᐅᖅᓯᒪᔪᖅ ᑲᒥᓴᓇᐅᓂᐊᖅᑐᓂᒃ ᓄᓇᕗᑦ ᐊᑐᓕᖅᑎᑦᑎᔩᑦ ᑲᑎᒪᔨᖏᓐᓄᑦ. ᓈᓴᐅᑎᒻᒪᕆᒻᒥ 9-ᒥ, ᐅᓂᒃᑳᖃᖅᑐᖅ ᐱᓕᕆᐊᕆᕙᓚᐅᖅᑕᖏᓐᓂ ᓂᕈᐊᕋᔅᓴᐅᓂᐊᖅᑐᓂᓪᓗ ᑲᑎᒪᔨᐅᕕᖓᓐᓄᑦ, ᐅᓂᒃᑳᖅᑐᓂᓗ ᑲᒥᓴᓇᐅᓪᓗᓂ ᐱᓕᕆᐊᕆᔭᕆᐊᓕᖏᓐᓂ. ᑲᒥᓴᓇᐅᓪᓗ ᐱᓕᕆᐊᕆᔭᕆᐊᓕᖏᓐᓂ ᑎᒍᒥᐊᖅᑕᖏᓐᓂ. ᐋᔩᖃᑎᖃᕐᓂᕐᒥᑦ ᐅᓂᒃᑳᖃᖅᑐᓂ ᐊᒻᒪᓗ ᐊᔾᔨᒌᓐᖏᓐᓂᖏᓐᓂ ᖃᓄᖅᑐᕈᑎᔅᓴᐅᔪᑦ ᓂᕈᐊᕐᓂᕐᒥᑦ ᕿᒥᕐᕈᓚᐅᖅᓯᒪᓪᓗᓂᒋᑦ, ᐱᓗᐊᖅᑐᒥ ᓂᕈᐊᕐᓂᕐᒥᑦ ᓯᕗᓕᖅᑎᒥᑦ ᐊᒻᒪᓗ ᑭᒡᒐᖅᑐᖅᑕᐅᒋᐊᖃᕐᓂᖏᓐᓂ ᐊᕐᓇᐃᑦ ᒐᕙᒪᒃᑯᓐᓂ - ᐊᖏᖅᑕᐅᓚᐅᖅᓯᒪᒐᓂᓗ ᑕᒪᓐᓇ. ᐅᓂᒃᑳᖃᖅᑐᓂᓗ ᓂᕈᐊᕐᓂᖏᓐᓂ ᓄᓇᓕᐸᐅᔭᐅᓂᐊᖅᑐᒥᒃ, ᑕᒪᓐᓇ ᐱᔭᐅᔪᒪᑦᑎᐊᓚᐅᖅᑐᓂ. ᐅᓂᒃᑲᖃᕆᓪᓗᓂ ᐊᕐᓇᓂᒃ ᓄᓇᕗᒻᒥ ᓴᓴᐃᔭᑎᐅᔪᓂᒃ, ᐱᓕᕆᖃᑎᖃᖅᑐᖅ ᑕᒪᒃᑯᓂᖓ ᐊᔾᔨᒌᓐᖏᑦᑐᓂᒃ. ᑕᒪᒃᑯᐊ ᖃᓄᕐᓗ ᑲᒪᒋᔭᐅᕙᑦᑐᑎᒃ ᖃᓪᓗᓈᑦ ᒐᔭᒪᒃᑯᖏᓐᓂ ᓴᓐᖏᓂᖃᖅᑎᑕᐅᓚᐅᓐᖏᑦᑎᐊᕐᖓ ᐃᓄᐃᑦ ᐊᖑᑎᓄᑦ, ᐱᓗᐊᖅᑐᒥᒃ ᕿᒻᒦᔭᖅᑕᐅᓚᐅᖅᓯᒪᓪᓗᑎᒃ - ᕿᒻᒥᑦ - ᐃᓄᓐᓂᒃ ᐱᖅᑯᓯᖏᓐᓂ ᐊᑐᖅᑕᐅᕙᓚᐅᕋᓗᐊᕐᖓᑕ. ᐅᖃᐅᓯᖃᕆᓪᓗᓂᓗ ᖃᓄᐃᑦᑐᓂᕆᓚᐅᖅᓯᒪᔭᖏᓐᓂ ᓄᓇᑦᑎᐊᑉ ᒐᕙᒪᒃᑯᖏᓐᓂ ᓴᖅᑮᕙᓪᓕᐊᒐᓱᐊᖅᑎᓪᓗᒋᑦ ᓄᓇᕗᒻᒥ ᐊᒻᒪᓗ ᐊᕕᑦᑐᖅᑕᐅᓂᐊᕐᓂᖏᓐᓂᓪᓗ ᐸᕐᓇᐅᑎᖏᓐᓂ.