X3NsbsQxU6gui3u4 xgo6gj5: kNK5 N]uo6v s9luV

ᔮᓐ ᐊᒪᕈᐊᓕᒃ

ᖃᐅᔨᒪᔪᐃᓐᓇᐅᒐᑦᑕ ᐃᖅᑲᓇᐃᔮᖅᓴᖅᑕᖃᓗᐊᓐᖏᑦᑎᐊᕐᖓᑦ ᑕᒫᓂ. ᑕᒪᒃᑯᐊ ᐊᖏᓪᓕᒋᐊᖅᑎᔪᒪᓚᐅᕋᑦᑎᒍ. ᐅᖃᖃᑎᒌᑉᐸᑦᑐᑕ ᖃᓄᖅ ᓴᖅᑭᕐᓂᐊᕐᒪᖔᑦᑎᒍ. ᒪᑯᓂᖓ ᐅᖃᐅᓯᖃᖃᑦᑕᖅᑐᑕ ᐃᖅᑲᓇᐃᔮᕐᓂ ᑲᑐᔾᔨᓂᕐᒥᑦ, ᐃᖅᑲᓇᐃᔭᑲᐃᓐᓇᖃᑦᑕᕈᓐᓇᖅᑐᓂᒃ, ᓄᖅᑲᖓᑎᑕᐅᑲᐃᓐᓇᖃᑦᑕᕐᓗᑎᓪᓗ ᐃᓄᐃᑦ ᐃᖅᑲᓇᐃᔭᖅᑏᑦ ᐊᕐᕌᒎᑉ ᐃᓗᐊᓂ, ᓲᕐᓗ ᓄᓇᓕᓕᒫᖅ ᐅᓱᑦᑕᕆᐊᕈᓐᓇᕐᓗᑎᒃ ᐱᑐᕐᓂᑎᓪᓗᒍ, ᑲᖑᓪᓗᐃ ᑎᑭᑉᐸᓪᓕᐊᖅᓪᓗᒋᑦ, ᐃᖃᓗᐃᓪᓗ ᑎᓲᓕᖅᑎᓪᓗᒋᑦ. ᑕᒪᒃᑯᐊ ᐱᒻᒪᕆᐅᒻᒪᑕ ᐃᓄᓐᓄᑦ. ᐊᑐᓕᖁᔨᓚᐅᕋᑦᑕ ᐃᓚᖏᑦ ᒐᕙᒪᐅᑉ ᐊᐅᓚᓂᖏᑦ ᐃᖅᑲᓇᐃᔭᕐᕕᖏᓪᓗ ᐊᐅᓪᓛᖅᑕᐅᓗᑎᒃ ᓄᓇᓕᓐᓄᑦ ᐊᖏᓂᖅᓴᐅᔪᓄᑦ, ᑕᐃᒪᐃᑦᑕᓚᐅᖅᑯᑦ. ᑕᒪᓐᓇ ᐊᑲᐅᓐᖏᓕᐅᕈᑎᓂᒃ ᓴᖅᑮᓚᐅᖅᑐᖅ ᑐᑦᑕᕐᕕᒻᒧᑦ, ᑭᓯᐊᓂᓕ ᐊᑲᐅᓈᑐᐃᓐᓇᓕᓚᐅᖅᑐᖅ ᐊᓯᖏᓐᓂ ᐃᖅᑲᓇᐃᔮᕐᓂᑦ ᓴᖅᑭᖅᑐᖃᓕᕐᖓᑦ ᓄᓇᓕᓐᓂᑦ.

ᓈᓴᐅᑎᒻᒪᕆᒃ 10, ᔮᓐ ᐅᖃᐅᓯᖃᖅᑐᖅ ᐱᕙᓪᓕᐊᓂᖏᓐᓂ ᓄᓇᕗᑦ, ᐊᑐᖅᑕᐅᕙᑦᑐᑦ ᐱᐅᓯᕚᓪᓕᖁᓪᓗᒋᑦ, ᐱᓗᐊᖅᑐᒥᒃ ᐃᖅᑲᓇᐃᔮᑦ, ᐋᖅᑭᐅᒪᔾᔪᑎᐅᒋᐊᖃᖅᑐᓂᓪᓗ ᐱᑕᖃᕐᓂᖅᓴᐅᓪᓗᑎᒃ. ᐅᓂᒃᑳᖃᖅᑐᓂ ᑕᒪᒃᑯᓂᖓ ᐊᕕᑦᑐᖅᑕᐅᓂᖏᓐᓂ ᒐᕙᒪᒃᑯᑦ ᓴᓐᖏᓂᖃᖅᑐᑎᒃ, ᓄᓇᑦᑎᐊᑉ ᒐᕙᒪᒃᑯᖏᓐᓂ ᑕᐃᒪᐃᒃᑭᓪᓗᑎᓪᓗ. ᐅᓂᒃᑳᖃᕆᓪᓗᓂ ᐃᖃᓗᓐᓂ, ᐊᔾᔨᒌᓐᖏᑦᑐᕈᓘᔮᓗᓐᓂᒃ ᐃᓕᖅᑯᓯᖃᐅᖅᑐᑎᒃ, ᐊᔅᓱᕈᓐᓇᖃᑦᑕᕆᓪᓗᓂ ᐃᓄᓐᓂᒃ ᐅᕕᓂᖃᑎᒋᓐᖏᑕᖏᓐᓂᓪᓗ. ᐅᓂᒃᑳᕆᒋᓪᓗᓂᒋᓪᓗ ᓄᑖᖑᓕᖅᑐᑦ ᑲᑉᐳᔭᖅᑐᕈᔪᐃᑦ, ᐱᒻᒪᕆᐅᓪᓗᑎᒃ ᑐᑦᑕᕐᕕᐅᔪᓄᑦ ᐸᕐᓇᐅᑎᓐᓄᑦ, ᖃᓄᓪᓗ ᐊᓯᔾᔨᕈᑕᐅᒍᓐᓇᕐᓂᐊᖅᑐᑎᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ. ᑕᒪᓐᓇ ᐅᖓᓯᑦᑐᒐᓗᐊᓄᑦ ᖃᓂᑦᑐᔮᓕᕈᑕᐅᔪᓐᓇᖅᑐᖅ ᓄᓇᓕᓐᓄᑦ. ᐊᒻᒪᓗ ᔮᓐ ᓂᐅᒃᑳᖃᕆᓪᓗᓂ ᓱᒻᒪᑦ ᓯᕗᓪᓕᖅᐹᖏᓐᓂ ᓂᕈᐊᖅᑕᐅᓂᖏᒻᒪᖔᖅ, ᐱᔾᔪᑎᖏᑦ ᓂᕈᐊᕋᔅᓴᐅᓚᐅᕐᓂᖓᓐᓄᑦ. ᑭᖑᓪᓕᕐᒥᓪᓕ, ᐅᓂᒃᑳᖃᓕᕐᒥᔪᖅ ᑭᒡᒐᖅᑐᖅᑕᐅᑦᑎᐊᓐᖏᓐᓂᖏᓐᓂ ᐃᓄᐃᑦ ᒐᕙᒪᒃᑯᓐᓂ ᓄᓇᕗᒻᒥ ᓱᒃᑲᐃᓂᖏᓐᓂᓪᓗ ᒐᕙᒪᒃᑯᑦ ᑭᓱᑐᐃᓐᓇᕐᓂᑦ, ᐱᓗᐊᖅᑐᒥᒃ ᐃᓱᒫᓘᑎᐅᔪᓂᒃ, ᐃᓄᑦᑎᑐᑦ ᑎᒍᓯᓂᕐ ᒪᓕᒐᖏᓐᓂ ᐃᓕᓐᓂᐊᖅᑐᓕᕆᔨᒃᑯᑦ.