ISUMA

ᓂᐱ

ᐃᓄᐃᑦ ᐱᖅᑯᓯᖏᓐᓂ ᐃᓅᓯᖏᓐᓂ, ᐃᓄᐃᑦ ᐱᕈᖅᐸᓪᓕᐊᓪᓗᑎᒃ, ᐱᔪᓐᓇᖅᓯᕙᓪᓕᐊᖏᓐᓇᕐᖓᑕ. ᐅᓪᓗᒥᐅᔪᖅ, ᐃᓄᐃᑦ ᐅᓗᕆᐊᓇᖅᑐᒦᓐᓂᖅᓴᐅᕙᓕᕐᖓᑕ, ᐃᓄᑐᓪᓗᑎᒃ ᐊᓯᕙᖃᑦᑕᓕᕐᖓᑕ. ᓄᓇᓕᖓᓐᓂ ᑐᕚᖃᕈᓐᓃᖅᑐᑎᒃ ᐃᓐᓇᓂᓪᓗ ᐃᑲᔪᖅᑐᖅᑕᐅᓇᓱᓐᖏᓂᖅᓴᐅᓕᖅᑐᑎᒃ ᖃᐅᔨᒋᐊᖃᑦᑕᕈᓐᓃᖅᑐᑎᓪᓗ.

1960-ᖏᓐᓂ, ᐅᑭᐅᖅᑕᖅᑐᒥᐅᑦ ᖃᓪᓗᓈᓄᑦ ᐃᓕᓐᓂᐊᕆᐊᖃᑦᑕᓚᐅᖅᓯᒪᒻᒪᑕ. ᑭᒡᒐᖅᑐᖅᑕᐅᓂᖅᓴᐅᓪᓗᑎᒃ ᖃᓪᓗᓈᓂᒥᐅᑕᓄᑦ (ᓂᐅᕕᖅᑎᑯᓐᓄᑦ, ᐸᓖᓯᒃᑯᓐᓄᑦ, ᒐᕙᒪᑐᖃᒃᑯᓐᓄᑦ ᐃᓕᓴᐃᔨᓄᓪᓗ) ᐅᑭᐅᖅᑕᖅᑐᓕᐊᖅᐸᑦᑐᓄᑦ ᐊᐅᓚᑦᑎᒍᒪᓪᓗᑎᒃ.

ᓄᓇᑖᕋᓱᐊᕐᓂᕐᒧᑦ ᐊᐃᕙᖃᑎᒌᑉᐸᓪᓕᐊᓕᖅᑎᓪᓗᒋᑦ, ᑐᓴᐅᒪᖃᑦᑕᐅᑎᑦᑎᐊᓚᐅᖅᓯᒪᓐᖏᒻᒪᑕ ᑐᑭᓯᐅᒪᖃᑦᑕᐅᑎᑦᑎᐊᕋᑎᓪᓗ ᐃᓄᓕᕆᔨᑐᖃᒃᑯᑦ ᐃᓄᐃᓪᓗ ᑲᑐᔾᔨᖃᑎᒌᖏᑦ. ᓯᕗᓪᓕᖅᐹᒥ, ᒐᕙᒪᑐᖃᒃᑯᑦ ᐊᐃᕙᔨᖏᑦ ᑐᑭᓯᐅᒪᓚᐅᓐᖏᒻᒪᑕ ᑮᓇᐅᔭᐃᑦ ᓯᕗᓪᓕᖅᐸᐅᔾᔭᐅᒋᐊᖃᕐᓂᖏᓐᓂ ᐅᖃᐅᓯᐅᒋᐊᖃᖅᑐᑎᒃ: ᐃᓄᐃᑦ ᑎᒍᓯᒍᒪᓂᖅᓴᐅᓚᐅᕐᖓᑕ ᑲᑎᒪᔨᐅᓂᕐᒥᑦ ᐊᑐᕆᐊᖃᖅᑕᖏᓐᓂ ᐊᐅᓚᑦᑎᒍᑎᒋᔪᓐᓇᕐᓂᐊᕐᖓᒋᑦ ᓄᓇᓕᖓᓐᓂ.